Бөлүмдөр
Шаршемби, 21-ноябрь
Ысык-Көл облусу, Балыкчы 27.11.2017 14:35

Балыкчыда майыптар үчүн окуу борбору ачылды (фото)

Turmush -  Бүгүн, 27-ноябрда Балыкчы шаарында мүмкүнчүлүгү чектелген балдар үчүн окуу борбору ачылды, деп билдирет Turmush басылмасынын аймактык кабарчысы.

Борбордо мүмкүнчүлүгү чектелген балдарга компьютердик билим полиграфиялык ыкма менен окутуп үйрөтүлөт. Долбоор 6 айга эсептелген, 3 этап менен 2 ай аралыгында 15 бала акысыз билим алышат. Аягында мыкты окуган эки бала тандалып, алар кийинки 2 этаптын балдарына сабак өтүшөт жана типографияны иштетишет.

Долбоорду ишке ашырган «Ынсап элим» коомдук фонду 2014-жылы түзүлгөн. Уюм мүмкүнчүлүгү чектелген жарандарга, жетим-жесирлерге, жашоо-шарты оор абалдагыларга жардам берүү жана аларга жумуш орундарын түзүү максатын көздөйт. Бул борборду ачууга долбоор аркылуу жалпы 2 миң евро жумшалып, мэрия тарабынан имарат бөлүнгөн.

Балыкчы шаарында мүмкүнчүлүгү чектелген 800дөн ашык адам бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×